Një përplasje e dhunshme ka ndodhur mes dy nxënësve të shkollës së mesme në fshatin Cakran të Fierit.
Nga burimet pranë vendngjarjes, mësohet se përleshja ka ndodhur rreth orës 8:30 të mëngjesit të kësaj të premteje, ku shtetasi me inicialet B.D, 17 vjeç ka goditur me thikë shtetasin Y.Xh, i cili është nxënës po në këtë shkollë.
Pas ngjarjes, shtetasi Y.Xh është transportuar me urgjencë në Spitalin Rajonal të Fierit, ku mori ndihmën e nevojshme mjekësore. Sipas mjekëve, i riu ndodhet jashtë rrezikut për jetën.
