Ëmbëlsirat kanë një efekt ngushëllues dhe plotësues për shumë njerëz që kur janë të stresuar duan të hanë patjetër diçka të ëmbël.
Megjithatë, stresi i përditshëm dhe rrjedhimisht kjo mënyrë e të ngrënit janë të dëmshme për shëndetin.
Ëmbëlsirat kanë një delikatesë prej së cilës nuk mund të heqësh dorë plotësisht, megjithatë ka njerëz që i hanë ato çdo ditë.
Nëse futesh në këtë kategori adhuruesit e ëmbëlsirave, atëherë duhet të mësosh çfarë ndodh në trupin tënd si pasojë e këtij zakoni të ëmbël.
Së pari do të shtosh peshë. Ëmbëlsirat janë plot e për plot me kalori. Një kek i thjeshtë me djathë mund të ofrojë 830 kalori, të cilat nëse konsumohen çdo ditë me ritme të tilla do të kenë ndikim negativ në peshën tuaj trupore.
Sa më shumë ëmbëlsira të hani, aq më të prirur do të jeni të bëheni obezë. Do të jeni më të rrezikuar nga sëmundjet e zemrës.
Pjesa dërrmuese e ëmbëlsirave është e mbushur me yndyrna të ngopura që bllokojnë arteriet.
Sipas ekspertëve, vetëm 10% e kalorive ditore duhet të vijë nga yndyrnat e ngopura. Ngrënia e tepruar e këtyre yndyrnave (po, ëmbëlsirat kanë yndyrna) rrit rrezikun e kolesterolit të lartë dhe rrjedhimisht nxit shfaqjen sëmundjeve të zemrës dhe goditjeve në tru.
Mbipesha dhe sëmundjet e zemrës janë një binom i rrezikshëm për shëndetin që i hap rrugën problemeve të tjera më të rrezikshme në të ardhmen e afërt dhe të largët.
Atëherë për të mos e tepruar në sheqrna apo sasisë së yndyrnave atëherë duhet të bëni një ëmbëlsirë më të shëndetshme. Nëse jeni të bindur që dëshironi të hani ëmbëlsira çdo ditë, të paktën sigurohuni që ato të përfshijnë fruta të freskëta.
Në këtë mënyrë, ju mund të merrni doza më të larta të vitaminave A dhe C, por edhe antioksidantëve.
Zgjidhni gjithashtu të ëmbla që kanë më pak kalori dhe në racione sa më të vogla, të mjaftueshme për të shuar nepsin./ S,M
