Barcelona katranos gjithçka! Katalanasit duket se kanë hapur derën për 2 rivalët për titullin kampion, si Atletico Madrid dhe Real Madrid, që tashmë kanë shansin e artë për ta zbritur nga froni skuadrën e Flick, pas disfatës së pësuar 0-1 ndaj Leganesit mbrëmjen e sotme.
Një gol i Gonzalez në minutën e 4-t, i shkaktoi humbjen e katërt në 18 javë Barcelonës, që duket se po kalon një moment të vështirë në kampionat.
Katalanasit regjistruan 4 gjuajtje në portë në duelin e mbrëmjes së sotme, teksa shpërdoruan raste të shumta shënimi, pa gjetur rrugën e rrjetës.
Në duelin e radhës Barcelona do të përballet me Atletico Madridin e vendit të dytë, që ka një ndeshje më pak dhe gëzon kuotë të njëjtë pikësh me katalanasit./ D.C
