Partia Demokratike do të zhvillojë një tjetër protestë para Bashkisë së Tiranës të premten, më 20 dhjetor, në orën 17:00. Lajmin e ka bërë të ditur drejtuesi politik i PD-së për Tiranën, Belind Këlliçi, përmes një postimi në “Facebook”.
Këlliçi ka ftuar qytetarët për një pjesëmarrje masive në protestë, për të kundërshtuar sërish kryebashkiakun e Tiranës, Erion Veliaj. Ai ka theksuar se qëllimi i protestës është dërgimi i një mesazhi të qartë ndaj kryeministrit Edi Rama, të cilin e akuzon se drejton “narkoshtetin e parë të Europës”.
Postimi i plotë:
Mes demokratëve të Vorës, duke finalizuar detajet organizative për protestën e ditës së hënë, 23 dhjetor, ora 17:00.
Vora, Tirana dhe gjithë Shqipëria do ti japë një mesazh të qartë kreut të narkoshtetit të parë të Europës, se koha nuk pret më.
Shqiptarët nuk presin më!
Qeveri teknike e zgjedhje të lira e të ndershme është zgjidhja e vetme politike për rimëkëmbjen e vendit tonë. O sot, o kurrë./e.t
