At Gregor Pelushi ka uruar të gjithë shqiptarët për Krishtlindje. Në një intervistë në “News Line” në ABC News ai bëri thirrje për më shumë paqe dhe dashuri.
Numri i besimtarëve u shpreh ai është në rritje, duke treguar se Katedralja rezulton e mbushur me shumë besimtarë të Tiranës.
“Qytetarët erdhën që në mëngjes herët, janë lutur në Kishën Katedrale dhe kanë marrë pjesë në të gjithë adhurimin. Kjo festa është plot mesazhe për shqiptarët dhe mirësi e paqe në çdo familje. Këtë herë kam parë një pjesëmarrje shumë të madhe, festimet kanë nisur që dje në mbrëmje dhe vijojnë edhe sot. Ne si popull kemi nevojë për Zotin për besimin. Dhe kjo pjesëmarrje e lartë më kënaq. Të afrohemi me Zotin dhe ta duam atë sepse ai patjetër na do shumë. Ky është edhe mesazhi i madh i kësaj feste le të jemi pranë tij, destinacioni i njeriut nuk është kaosi, por mbretëria e qiejve. Duajeni të afërmin tuaj dhe njëri-tjetrin. Këtë duhet të përçojë sot edhe festa dashuri dhe të duam tjetrin si veten tonë”, u shpreh ai./K.K
