Ndiheni shpesh të lodhur në punë, pavarësisht se keni pushuar mirë dhe konsumuar mjaftueshëm ujë? Dieta juaj mund të jetë një ndër shkaqet e energjisë së ulët.
Ndryshimet e vogla në vakte mund të kenë ndikim të madh në energjinë dhe shëndetin tuaj të përgjithshëm.
Sipas dietologes Dolores Woods nga Shkolla e Shëndetit Publik UTHealth Houston, ndryshimet e menaxhueshme janë çelësi i një jete më të shëndetshme dhe energjike.
Një studim i publikuar në Nature Food në vitin 2021 tregon se zëvendësimi i vetëm 10% të kalorive ditore nga mishi i përpunuar me ushqime më ushqyese, si frutat, perimet, dhe peshku, jo vetëm që mund të zgjasë jetën, por edhe ta bëjë atë më të shëndetshme.
Ja disa këshilla për të përmirësuar dietën tuaj:
1. Shtoni proteina në mëngjes
Proteinat ndihmojnë në mbrojtjen e muskujve dhe rrisin ngopjen. Përfshini vezë, gjizë ose gjalpë arrash në mëngjesin tuaj për energji gjatë gjithë ditës.
2. Hani perimet fillimisht
Perimet me gjethe si brokoli dhe lakrat e Brukselit ndihmojnë shëndetin e trurit dhe tretjen. Filloni vaktin tuaj me zarzavate për të maksimizuar përfitimet ushqyese.
3. Rritni konsumimin e frutave dhe perimeve
Çdo frut dhe perime shtesë ul rrezikun e sëmundjeve të zemrës. Përzieni zarzavate në supa, sanduiçe ose makarona për të shtuar lëndë ushqyese.
4. Zëvendësoni drithërat e përpunuara me ato integrale
Drithërat integrale, si quinoa ose hikërrori, përmirësojnë shëndetin e zemrës dhe stabilizojnë nivelin e sheqerit në gjak.
5. Kombinoni ëmbëlsirat me ushqime të shëndetshme
Shoqëroni ëmbëlsirat me fruta, arra ose humus për të ngadalësuar lirimin e sheqerit në gjak dhe për të shmangur rënien e energjisë.
Me këto ndryshime të vogla, mund të ndiheni më energjikë, të përmirësoni shëndetin dhe të shmangni lodhjen e panevojshme gjatë ditës./K.K
