Ngrijnë aeroportet dhe hekurudhat – ndërpritet edhe energjia elektrike
Reshjet e dendura të dëborës në Britanine e Madhe kanë shkaktuar probleme me transportin. Stacionet e hekurudhave dhe aeroportet po punojnë me ndërprerje, për shkak të problemeve me furnizimin me energji elektrike pas reshjeve të dendura gjatë natës.
Aeroporti i Mançesterit i ka rihapur të dyja pistat pasi i mbylli përkohësisht për disa orë mëngjesin e kësaj të diele. Autoritetet lajmëruan se disa nisje dhe mberritje mund te kene ende vonesa, ndersa ekipet vijojne punën për të hequr akullin e avionëve dhe për të pastruar pistat.
Nga ana tjetër, edhe aeroporti “John Lennon” i Liverpool-it e rihapi pistën këtë mëngjes pas bllokimit gjatë natës, ndërsa paralajmëroi vonesa të fluturimeve.
Aeroporti “Leeds Bradford” eshte nje tjeter aeroport i prekur nga moti i keq, ndersa u konfirmua se pista u mbyll, dhe pritet te rihapet ne varesi te ndryshimit te kushteve.
Vala e të nxehtit arrin kulmin në Viktoria, termometri arrin 45 gradë Celsius
Një valë e të nxehtit që ka përfshirë Australinë juglindore po arrin kulmin sot, duke rritur nivelin e alarmit për zjarret në shtetin e Viktorias. Javën e kaluar, një zjarr i madh në pyllin kombëtar të Grabians bëri hi shtëpitë e fermat dhe qindra mijëra hektarë tokë bujqësore.
Shërbimi Kombëtar i Motit parashikon se termometri mund të rritet në 45 gradë Celsius sot në disa pjesë të Viktorias, shteti i dytë më i populluar i Australisë. Temperatura në Melburn parashikohet të arrijë deri në 38 gradë Celsius. Në qytetin e Mildura, në veriperëndim të shtetit, termometri ishte 32.9C në orën 10.30 të mëngjesit (koha lokale) dhe parashikimi tregon për një temperaturë maksimale prej 42C, duke tejkaluar janarin e zakonshëm për rajonin.
Autoritetet në shtetin e Viktorias po paralajmërojnë për rrezik “ekstrem” zjarri në disa zona.
Duke folur për rrjetin televiziv ABC, meteorologia Miriam Bradbury paralajmëroi se vala e të nxehtit në Victoria do të arrijë kulmin sot dhe se nga mbrëmja pritet të jetë më freskët. Temperaturat e larta sezonale parashikohen gjithashtu për pjesë të Australisë Perëndimore, Uellsit të Ri Jugor dhe Tasmanisë.
Vera më e keqe e Australisë në vitet e fundit ishte 2019-2020, kur zjarret dogjën një zonë me madhësinë e Turqisë dhe vranë 33 njerëz.
