Nga “Rrugica e Shpresës”, te Rrugica e SPAK

113 563 lexime

124,178FansaPëlqeje

Nga Mero Baze

Të hënën në mëngjes, Sali Berisha do të transferojë kontingjentin e protestuesve nga “Rrugica” poshtë dritares së tij, te “Rrugica” poshtë dritares së Altin Dumanit, në SPAK. Për gati një vit, ata 20 persona poshtë dritares së Berishës ishin e vetmja pasuri politike e tij. Me ta fliste, me ta mburrej, me ta kërcënonte kundërshtarët në parti, dhe me ta festoi, kur përkohësisht iu hoq masa e sigurisë.

Tani, kalvari nis nga e para. Jo çdo ditë, por dy herë në muaj, ata do të jenë poshtë dritares së Altin Dumanit duke e akuzuar atë me gjithë arsenalin e akuzave të Berishës, që i ka gati për çdo kundërshtar.

Por, nëse “Rrugica” poshtë dritares së Berishës i jepte mundësinë të dukej si një “i burgosur” qesharak, protestat poshtë dritares së Altin Dumanit e shfaqin atë si një “të pandehur” qesharak.

Masa e sigurisë ndaj tij është në përputhje me vendimin e Gjykatës Kushtetuese, e cila i dha të drejtë SPAK-ut që masa e sigurisë “detyrim paraqitje” të mos kalonte për miratim në Kuvend. Gjyqtari thjesht ka zbatuar vendimin e Gjykatës Kushtetuese.

Problemi që ka Berisha me këtë masë nuk është se duhet të shkojë dy herë në muaj në SPAK, por se vendimi ka rrëzuar gjithë motivin me të cilin ai i mbajti ata 20 persona poshtë dritares së tij për një vit.

Vetëviktimizimi i tij si një “i burgosur” në shtëpi e shpëtoi nga telendisja nëpër rrugë dhe ia përqendroi gjithë aksionin politik te 20 persona që protestonin poshtë dritares.

Vendimi i fundit i ka bërë një dëm të madh, sepse i ka hequr alibinë e “burgosjes” dhe e ka lënë të lirë të telendiset rrugëve.

Lexo edhe :  Shqiptarët nisin Vitin e Ri siç lanë atë të vjetrin, me vrasje e aksidente

Përpjekja e tij për të spostuar betejën nga “Rrugica e Shpresës” te “Rrugica e SPAK” është një lëvizje e dëshpëruar, pasi ai po shkon aty i dorëzuar. Ai ka pranuar vendimin e Gjykatës dhe është kthyer në pikën zero, ku nisi vetëviktimizimi i tij vitin e kaluar.

Me pranimin e vendimit të Gjykatës, Berisha ka hedhur poshtë dhe sakrificën e atyre 20 personave poshtë dritares, duke u provuar se e gjithë beteja ishte një lojë false e provokuar prej tij.

Tani do të kishte kuptim që Berisha të refuzonte vendimin dhe këta të protestonin për të, por nuk ka asnjë kuptim që edhe Berisha të pranojë vendimin dhe ata të protestojnë kundër SPAK. Në rastin e parë, ata protestonin për heroizimin e Berishës, ndërsa tani do të protestojnë për dorëzimin e tij./e.t

Të fundit

Dëborë e reshje, si parashikohet moti për muajn janar në vendin tonë

Shqipëria nuk do të preket nga acari arktik, por ndikimi i tij do të ndihet edhe në vendin tonë....

Samanta Karavella në pritje të ëmbël? Ja fotoja që ngriti dyshimet

Samanta Karavella përflitet se është në pritje të ëmbël. Në disa foto që artistja ka shpërndarë në Instagram barku i saj duket i rrumbullakosur. Madje komentues në...

SPAK, sfida tjetër me lavanderinë politike të mëkateve

Nga Lorenc Vangjeli Ditën e paraqitjes së tij të parë me detyrim në SPAK Berisha përmendi një dosje penale duke akuzuar ish-ministrin e Brendshëm Balla. Në...

Ndryshon programi i verifikimit të fakteve për rrjetet sociale Facebook dhe Instagram

Kompania Meta, në pronësi të së cilës janë rrjetet sociale Facebook dhe Instagram, njoftoi të martën se po heq programin e saj për verifikimin...

Uashington DC mbulohet nga dëbora, atmosferë e gëzuar para godinës së Kapitolit

Shtetet e Bashkuara janë përballur ditët e fundit me stuhi dëbore që kanë prekur disa zona, duke shkaktuar edhe problematika. Megjithatë në Uashington DC, pavarësisht...

Lajme të tjera

Web TV