Këngëtarja e famshme Bleona Qereti thuhet se do jetë një nga banorët e Big Brother Vip Albania, në këtë sezon të katërt. Edhe vitin e shkuar u tha se bukuroshja do ishte pjesë e formatit reality, por kjo u hodh poshtë nga këngëtarja dhe më pas u pa që ajo nuk ishte pjesë.
Kësaj radhe, me fitoren e Trump dhe marrjen e një detyre në administratën e tij nga Richard Grenell, duket se edhe mikesha e këtij të fundit do bëjë diçka me karrierën e saj. Do rishfaqet në ekran dhe pse jo, duke sfiduar veten në një program ‘nervash’ siç është Big Brother.
A thua, do të përdorë influencën e tij Grenell, për të nxjerrë fituese Bleonën? Mbetet për t’u parë!
Nga ana tjetër edhe Anila Mimani, një zë i bukur por figurë e shkëputur prej kohësh nga jeta artistike e Shqipërisë, thuhet se do jetë banore në këtë Big Brother.
Mes emrave të tillë, ku çudit shumë pjesmarrja e konspiracionistit Alfred Cako, edhe çifti i Love Island Albania, Arlindi dhe Ueda, kanë shfaqur dëshirën për të qenë banorë në BBVA4, të dy bashkë.
Epo, ky Big pritet të jetë ‘bombë’, oseeee shumë zhgënjyes, duke qenë se pritshmëritë janë të larta./K.K
