Paundi ra me 0.9% dhe arriti në $1.226 kundrejt dollarit të enjten.
Rënia e paundit ka shënuar rekord me vlerën më të ulët për gati një vit në Mbretërinë e Bashkuar. Gjithashtu, bëhet me dije se kostot e huamarrjes kanë arritur nivelet më të larta në 16 vjet.
Ekonomistët kanë paralajmëruar se rritja e kostove mund të çojë në rritje të taksave ose në ulje të shpenzimeve, pasi qeveria po përpiqet të përmbushë rregullin e tij që nuk duhet të huazohet për financimin e shpenzimeve të përditshme, raporton BBC.
Në përgjigje të një pyetjeje urgjente në Dhomën e Komuneve, ministri i Thesarit, Darren Jones, tha se “nuk ka nevojë për një ndërhyrje emergjente” dhe se tregjet “po funksionojnë në mënyrë të rregullt”.
Paundi ra me 0.9% dhe arriti në $1.226 kundrejt dollarit të enjten. Kryesisht, paundi rritet kur rriten kostot e huamarrjes, por ekonomistët thanë se shqetësimet më të gjera për forcën e ekonomisë britanike e kanë shtyrë atë në këto nivele.
Ndërkohë që sa i takon kursit të këmbimit me monedhën tonë, 1 paund këmbehet me 117,27 lekë.
Në dhjetor, Banka e Anglisë tha se ekonomia kishte të ngjarë të kishte performuar më keq sesa pritej në tre muajt e fundit të 2024.
Në të njëjtën kohë, ajo mbajti normat e interesit në 4.75% duke përmendur “pasigurinë e shtuar në ekonomi”./ S,M
