Kryepeshkopi Anastas Janullatos ndodhet në gjendje kome. Gjendje e tij shëndetësore u përkeqësua menjëherë këtë të premte, kjo e njoftuar më herët edhe nga Kisha Ortodokse.
Në këtë mënyrë në Katedralen “Ngjallja e Krishtit” në Korçë po mbahet një meshë, ku janë duke u lutur për shëndetin e Kryepeshkopit.
Sipas gazetarit Roland Beqiri, meshën po e drejton metropoliti i Korçës, Johan Pelushi.
Një meshë e tillë u mbajt dhe në orën 11:00, por pas lajmit se kryepeshkopi Janullatos u intubua, po mbahet dhe një tjetër meshë e tillë.
Kryepeshkopi i Tiranës, Durrësit dhe i gjithë Shqipërisë, Fortlumturia e Tij Anastas Janullatos, i shtruar prej datës 30 dhjetor në një spital në Tiranë, shfaqi përkeqësim të gjendjes shëndetësore dhe u dërgua në datën 3 janar në Athinë, Greqi, për një trajtim më të specializuar në spitalin “Evangelismos”./kb
