Presidenti Joe Biden u bë stërgjysh të mërkurën, kur mbesa e tij, Naomi Biden, solli në jetë një djalë. Ky është një moment historik, pasi Biden është presidenti i parë modern që bëhet stërgjysh gjatë kohës së tij në detyrë.
Lajmi erdhi pas një informimi për situatën e zjarreve në Kaliforni, ku Biden ndau gëzimin për shtimin e familjes së tij. Zonja e Parë, Jill Biden, më vonë postoi një foto të çiftit të ri me stërnipin e tyre, William Brannon Neal IV, në Instagram. Emri i të porsalindurit nderon xhaxhain e tij të ndjerë, Willie Neal, i cili humbi jetën në një aksident me makinë 15 vjet më parë.
Naomi Biden, vajza e Hunter Biden dhe gruas së tij të parë, Kathleen Buhle, u martua me Peter Neal në Shtëpinë e Bardhë në vitin 2022. Para se të merrte pjesë në konferencën për zjarret, Presidenti Biden dhe familja e tij vizituan Naomin në Qendrën Mjekësore Cedars-Sinai për të shprehur mbështetje dhe gëzim për këtë ngjarje të bukur./K.K
