Eksperti i kriminalistikës, Ervin Karamuço, i cili ishte i ftuar në “Top Story” zbuloi detaje tronditëse për autorët dhe ditët që kryhen më shumë atentate.
Ai tha se e diela në darkë mbetet dita që shënon numrin më të lartë të ngjarjeve kriminale, ndërsa shtoi se skemat janë pothuajse të njëjtat, që përfshin vrasje me armë dhe makina të djegura.
“Kemi dy cikle kriminologjike. Janë dy periudha që kemi ngjarje të renda, përputhen shumë elemente, festat, pushimet. Lindin edhe armiqësi të vjetra. Kemi një modë, mënyrë të njëjtë, makinë, motor, qëllohet, largohen, digjen… Është studiuar zona dhe terreni. Kemi prapë Tiranën me probleme me vrasje të dielën në darkë. Atentatorët e dinë që policia gjatë javës është më e angazhuar, të dielën ka më pak postblloqe.”, u shpreh Karamuço./e.t
