Nëse jeni duke kërkuar për një mënyrë natyrale për të përmirësuar shëndetin tuaj ose thjesht dëshironi të hidratoni, merrni një filxhan me ujë të ngrohtë, shtoni pak limon dhe mjaltë dhe shijoni një pije të thjeshtë, por “mrekulli” për trupin tonë.
Përfitimet e shumta të ujit me limon dhe mjaltë për shëndetin tonë
Uji me mjaltë dhe limon:
Ndihmon tretjen
Limoni përmban acid citrik, i cili stimulon prodhimin e acidit të stomakut dhe enzimave tretëse, duke ndihmuar në zbërthimin e ushqimit në mënyrë më efikase.
Mjalti është një prebiotik natyral, që do të thotë se mund të nxisë rritjen e baktereve të mira të zorrëve, gjë që ndihmon tretjen.
Si limoni ashtu edhe mjalti kanë veti anti-inflamatore, të cilat mund të zvogëlojnë inflamacionin në sistemin e tretjes dhe të lehtësojnë simptomat e pafavorshme si refluksi i acidit dhe fryrja.
Përveç kësaj, uji i ngrohtë qetëson sistemin tretës dhe nxit “normalitetin” e zorrëve.
Si përmbledhje, përfshirja e mjaltit dhe ujit me limon në dietën tonë promovon tretje të shëndetshme dhe përmirëson shëndetin e përgjithshëm të zorrëve.
Forcon sistemin imunitar
Kjo pije e thjeshtë shquhet për vetitë e saj antibakteriale dhe anti-inflamatore, duke mbështetur kështu sistemin tonë imunitar.
Një dietë e ekuilibruar, stërvitje e rregullt, gjumë cilësor dhe mjaftueshëm, shmangia e duhanit dhe konsumimi i tepërt i alkoolit janë gjithashtu të rëndësishme për forcimin e imunitetit tonë.
Është e mirë për lëkurën tonë
Limonët janë një burim i mirë i vitaminës C, e cila është një antioksidant që mund të ndihmojë në mbrojtjen e lëkurës nga dëmtimi i shkaktuar nga radikalet e lira.
Mjalti gjithashtu ka, siç u përmend më lart, veti antibakteriale dhe anti-inflamatore që promovojnë shëndetin e lëkurës.
Pirja e kësaj pije ndihmon edhe me hidratimin, i cili njihet si i rëndësishëm për lëkurë të shëndetshme.
Qetëson fytin
Uji me limon dhe mjaltë është një ilaç i dobishëm për infeksionet e fytit. Të tre elementët së bashku mund të ofrojnë lehtësim kur një infeksion i fytit po na shqetëson.
Parandalon gurët në veshka
Gurët në veshka zakonisht shkaktohen nga akumulimi i disa metaleve në urinë.
Limoni përmban citrat, i cili është një përbërës që ndihmon në parandalimin e këtij problemi duke lidhur kalciumin dhe mineralet e tjera në urinë dhe duke i penguar ata të formojnë gurë.
Mjalti gjithashtu besohet se ka veti antioksiduese që mund të ndihmojnë në mbrojtjen e veshkave nga dëmtimi i shkaktuar nga radikalet e lira.
*Mos harroni
Në çdo rast, pavarësisht se sa e dobishme është çdo gjë që konsumojmë, teprica nuk është kurrë e mirë. Pirja e tepërt e lëngut të limonit për shembull është e dëmshme pasi mund të gërryejë smaltin e dhëmbëve me kalimin e kohës.
Prandaj, do të ishte mirë që në dietën tuaj të përfshini ujë të ngrohtë me limon dhe mjaltë, duke bërë gjithmonë pushimet e nevojshme për të mbrojtur dhe përmirësuar dhe në fund të fundit për të mos dëmtuar shëndetin tuaj./ S,M
