Mbrëmjen e djeshme ka lënë përfundimisht shtëpinë e “Big Brother VIP 4”, Xum Allushi, i cili ishte në nominim ‘kokë më kokë’ me Eglin. Ditën e sotme ish-banori i shtëpisë më të famshme në Shqipëri ishte i ftuar në emisionin “Shqipëria Live”, ku foli për rrugëtimin e tij në këtë reality show.
Xumi u shpreh se penalizimi i tij i vetëm ishte fakti që u tregua shumë i vërtetë. Në lidhje me Eglin tha se çdo gjë është mbyllur brenda shtëpisë, ndërsa shtoi se prej ditësh ka shkëputur çdo kontakt me të.
“Ka qenë në kuptimin metaforik, dritat asaj shtëpie i kam fikur në momentin që jam larguar. Kush e kupton, e kupton. Penalizimi im i vetëm është se isha më shumë i vërtetë se i vërtetë. Unë Big Brother-in tim e kam fituar.
Në një muaj unë kam dhënë atë që doja. Janë krijuar meme. E dija se çfarë lloj trazire do shkaktoja në rrjetet sociale. Personi që solli memet në Shqipëri ishte Xum Allushi.
Mami e ka ditur që ndjenjat e mia kanë qenë të pastra. Zgjodha të isha i vërtetë dhe në asnjë koment skam pasur kritikë nga ajo. E rëndësishme është që kam parë krenari në sytë e saj. Sigurisht që çdo gjë u mbyll në shtëpi. Unë prej ditësh e kisha shkëputur kontaktet me Eglin”, u shpreh Xumi./ S,M
