Manchester City ka mundur me shifrat 3-1 Chelsean në ndeshjen e sotme në Premier Ligë, duke iu gëzuar kthimit mes 4 skuadrave të para në renditje, duke lënë pas krahëve dështimin në Champions në mesjavë.
Skuadra e Guardiolës, edhe pse u gjend në disavantazh pas golit të Madueke që në minutat e parë të sfidës, përmbysi gjithçka teksa gjeti fillimisht barazimin me Gvardiol në pjesën e parë. Në të dytën, Haaland shfrytëzoi një dalje të gabuar të portierit për të realizuar përmbysjen për ekipin e tij, që u vulos në fund nga goli i Foden./ D.C
