Juristja Brizida Gjikondi ka komentuar kërkesën e opozitës për të lejuar votimin e emigrantëve pa një mjet identifikimi shqiptar, duke e konsideruar këtë një veprim të antiligjshëm dhe antikushtetues.
Gjikondi theksoi se kartat e identitetit dhe pasaportat janë mjetet e vetme të ligjshme për të verifikuar kombësinë dhe identitetin e një shtetasi, dhe se votimi pa këto dokumente është i pamundur dhe i papranueshëm.
Gjikondi e vlerësoi këtë kërkesë si një tentativë për të bllokuar procesin e votimit të diasporës dhe e lidhur me interesat e Sali Berishës, i cili, sipas saj, po përdor këtë çështje për të thelluar humbjen e tij në zgjedhje.
Juristja shtoi se Berisha ka vënë re se mbështetja nga diaspora është e dobët dhe se, përmes kësaj kërkese për votim pa mjet identifikimi, po përpiqet të sabotazhonte procesin zgjedhor. Sipas saj, kjo është një lëvizje dinake për të penguar realizimin e votës së diasporës dhe për të shkaktuar kaos në procesin zgjedhor.
Ajo e quajti këtë një përpjekje për të dështuar votimin e diasporës, duke theksuar se Berisha nuk e dëshiron këtë votë dhe po bën gjithçka për ta bllokuar./ S,M
