Tifozët e Cristiano Ronaldos u mblodhën në Times Square të mërkurën për të zbuluar statujën prej bronzi, 12 metra të lartë, të futbollistit portugez, së bashku me krijuesin e saj, skulptorin Sergio Furnari.
“Kam qëndruar zgjuar gjithë natën për këtë, pastaj një orë… një orë udhëtim me tren për të ardhur këtu”, tha Oja Dindiyel, 17 vjeç. “GOAT-i! Më i madhi i të gjitha kohërave! Lojtari më i mirë i të gjitha kohërave. Atleti më i mirë! Personi më i mirë i të gjitha kohërave!”.
Statuja mbërriti me një Jeep dhe qëndroi e lëvizshme pasi nuk kishte një vend të caktuar për ta vendosur. Furnari e ndërtoi atë për të nderuar karrierën dhe ndikimin global të atletit në 40-vjetorin e lindjes së tij më 5 shkurt.
Ai shpresonte të vendoste një Rekord Botëror Guinness për numrin më të madh të njerëzve në mbarë botën që njëkohësisht bërtasin frazën e famshme të Cristiano Ronaldos, “Siuuu!”.
“Ishte koha që dikush të bënte diçka për këtë, diçka monumentale”, tha Furnari për Reuters. “Jo një statujë të (Presidentit të SHBA-së, Donald) Trump, jo të (bashkëpunëtorit të Trumpit) Elon Musk. Ju dua të dyve! Por më mirë punoj për Cristiano Ronaldo-n”.
Furnari tha se tani po e çon statujën në një turne nëpër botë./E.T
