Zëvendëskryeministrja, njëherës ministre e Infrastrukturës dhe Energjisë, Belinda Balluku, viziton një sipërmarrje mobilerie në zonën e Çermës. Kjo mobilieri prej gati 5 vitesh operon në tregun europian.
“Ne filluam para 5 viteve, me një klient që na besoi. I ndenjëm korrekt. Me shpejtësinë e punës. Eksportojmë edhe në vende të tjera. Fillimisht me Italinë. Ne fillimisht nxjerrim një model, e propozojmë dhe në bazë të modelit, funksionit, çmimit është kërkesa me vonë.”
Sipas zëvendëskryeministres Balluku, kjo mobileri ka ngritur një punë impresionuese, e cila për cilësinë që ka, konkurron dhe mobileritë e njohura.
“Është një sipërmarrje impresionuese në të gjitha aspektet, nga të gjitha materialet që janë cilësore, te 65 punonjësit që e bëjnë këtë punë me dëshirë dhe dëshmojnë që punojnë në kushte të mira. Më bëhet shumë qejfi që kontratat i keni me BE. Është vendosur në Çermë, por ka punonjës nga Lushnja e Durrësi.”
Në këtë mobileri janë të punësuar rreth 70 punonjës. Sipas sipërmarrësve, përvec punonjësve të zonës, janë të punësuar edhe nga Lushnja dhe Durrësi./ S,M
