Kolo Muani është ylli i ri i Juventusit. Sulmuesi francez ka arritur të përshtatet në mënyrën më të mirë të mundshme me skuadrën e tij të re, teksa në 3 ndeshjet e aktivizuara, ka arritur të shënojë plot 5 gola. Një ndaj Napolit, dy ndaj Empolit, dhe 2 mbrëmjen e sotme ndaj Komos, ku bardhezinjtë triumfuan me rezultatin 1 me 2.
Kolo Muani zhbllokoi sfidën në minutën e 34-t, pas asistit të Nico Gonzalez, ndërkohë që Diao vendosi baraspeshën në minutën e 45+1. Pjesa e parë përfundoi me rezultatin 1 me 1.
Për golin e fitores mendoi sërish francezi, i cili në minutën e 89-të shënoi me penallti. Kjo ishte fitorja e 10-të në kampionat për Juventusin, që është ngjitur përkohësisht në vendin e katërt.
Duelin e radhës skuadra e Thiago Motës do e luajë në shtëpi ndaj Interit./ D.C
