Nga janari i vitit 2025, qeveria shqiptare do të nisë mbylljen e platformës TikTok për një periudhë 12-mujore, duke e bërë të paarritshme për përdoruesit në Shqipëri, pa marrë parasysh moshën.
Ky vendim vjen pas tragjedisë së vrasjes së 14-vjeçarit M.C, afër shkollës “Fan Noli”, ku autoritetet lidhën ngjarjen me rritjen e dhunës dhe bullizmit, të cilat thuhet se përhapen përmes TikTok.
Ky hap ka shkaktuar shqetësim te bizneset dhe influencerët që përdorin platformën për të shpërndarë përmbajtje dhe për të gjeneruar të ardhura.
Ndërkohë, ata që përdorin TikTok duket se kanë gjetur një alternativë: aplikacionin Clapper.
Ky është një platformë e ngjashme me TikTok, që ofron mundësinë për krijimin dhe shpërndarjen e videove të shkurtra. Clapper është zhvilluar nga Clapper Media Group, një kompani amerikane e krijuar në vitin 2020 nga Edison Chen.
Aplikacioni lejon përdoruesit të shprehen krijueshëm dhe ndihmon në ndërtimin e komunitetit përmes videove të ndryshme, duke ofruar mundësi redaktimi, efekte vizuale dhe filtra./kb
