Këngëtarja e njohur Bebe Rexha e cila ka arritur të kryesojë top-listat ndërkombëtare, dukej pothuajse e panjohur gjatë një daljeje të martën në lagjen e njohur të Beverly Hills. Ylli me origjinë shqiptare, dukej e thjeshtë dhe natyrale teksa ecte rrugës pa grim, larg shkëlqimit të tapetit të kuq.
Kjo ishte shfaqja e saj e parë publike që nga lajmet për largimin e këngëtares nga shtëpia diskografike Warner Records, pas një bashkëpunimi të gjatë që ka zgjatur më shumë se një dekadë.
Ky ndryshim në karrierë ka tërhequr vëmendjen e mediave dhe fansave, duke krijuar kuriozitet për projektet e ardhshme të artistës.
/E.T
