Juve-Inter gjykohet nga Mariani, me të ka pasur vetëm barazime

Do të jetë Mauricio Mariani arbitri i “Derbit të Italisë” mes Juventusit dhe Interit, programuar më 16 shkurt në Torino.

Për gjyqtarin pritet të jetë një provë e madhe duke marrë parasysh rëndësinë e ndeshjes, por edhe kritikat e shumta që gjyqtarët kanë marrë kohët e fundit në Serinë A. Megjithatë, nuk do të jetë një debutim në “Derbin e Italisë” për Marianin duke qenë se e ka arbitruar këtë ndeshje edhe në 2 raste të tjera.

 

Lexo edhe :  Barazim mes polemikash në sfidën Osansuna-Real Madrid, “topi” kalon në anën e Barcelonës

 

Në të dyja sfidat skuadrat e kanë mbyllur në paqe, fillimisht më 9 shkurt 2021 në Kupën e Italisë me rezultatin 0-0 e më pas më 24 tetor në kampionat, një derbi i mbyllur në shifrat 1-1.

Gjyqtari do të ndihmohet nga anësorët Xhalatini dhe Kolarosi, ndërsa arbitër i katërt do të jetë Zuferli. Në sistemin VAR sakaq do të jetë Mazoleni, ndërsa AVAR, Di Belo./k.k