Presidenti i Ukrainës, Volodymyr Zelensky, ka treguar për tentativat për ta vrarë atë në fillim të pushtimit rus të Ukrainës, si dhe për vrasjen e disa personave nga Zyra e Presidentit.
Të paktën tre prej tyre u raportuan deri në mars 2022 ndërsa forcat ruse po shkonin drejt kryeqytetit të Ukrainës.
Në një intervistë me Guardian, Zelensky tha se ai u sulmua nga rusët mes përpjekjeve për të detyruar Ukrainën të pranonte një marrëveshje paqeje pas pushtimit në shkallë të plotë.
“Kishte njerëz që donin të më vrisnin. Kishte të shtëna me armë zjarri dhe më shumë”, citohet të ketë thënë Zelensky.
“Disa njerëz u vranë këtu, brenda Presidencës, të tjerët po na mbronin”, shtoi Zelensky.
Në prill të 2024-ës, Polonia arrestoi një person me dyshimin se ai po punonte me Rusinë për të komplotuar vrasjen e presidentit ukrainas Volodymyr Zelensky, shkroi The Sun.
I dyshuari Paweł K u akuzua se ndihmoi shërbimet e sigurisë së Kremlinit për të planifikuar sulmin që u pengua nga Polonia me ndihmën e Ukrainës.
Po në maj të këtij viti, Ukraina tha se pengoi një komplot rus për të “rrëmbyer dhe vrarë” Presidentin Zelensky, pasi të dyshuarit e Putinit thuhet se u përpoqën të hynin në truprojat e tij.
Shërbimi i Sigurisë së Ukrainës (SBU) ekspozoi një rrjet agjentësh për të cilët pretendon se po përgatiteshin të “eliminonin” liderin ukrainas si dhe figura të tjera të larta politike dhe ushtarake .. / S,M
