Shija e hidhur që la torta e 100 vjetorit të Pavarësisë, ku të rinj e të reja, pleq e plaka, burra e gra vërshuan drejt sheshit me qese, tasa, kova e legena për të marrë një copë tortë, është një shenjë e përjetëshme për Shqipërinë.
Megjithatë ”babëzia” e shqiptarëve duket se është përsëritur edhe në Brazil.
Më 4 shkurt, Macapá festoi 267 vjet histori, ku krahas festimeve tradicionale nga bashkia e qytetit braziljan u be edhe prerja e tortës gjigande, e cila këtë vit ishte 50 metra e gjatë.
“Tufa” njerëzish me kova, qese e çanta, shkatërruan gjithcka brenda pak minutave, në përpjekje për të marrë një copë tortë.
Në videot që janë bërë virarle në rrjetet sociale gjen komente të shumta, ku një pjesë e tyre i krahasojnë veprimet e këtyre personave me të kafshëve.
Po ashtu pjesa tjetër e komenteve shigjeton politikat e qeverisë të cilat kanë çuar në këtë uri dhe babëzi të theksuar.
Për ata që e kanë harruar skenën e vitit 2012 në Tiranë, le të ndjekin videot më poshtë./E.T
