Kreu i PD-së, Sali Berisha është paraqitur sot në Prokurorinë e Posaçme në zbatim të masës së sigurisë “detyrim paraqitje” të caktuar ndaj tij nga Apeli i GJKKO-së.
Ndërkohë disa prej mbështetësve të tij dhe eksponentë të partisë janë mbledhur para ambienteve të SPAK, sikundër një ditë më parë u kërkuar nga strukturat e PD me një mesazh në grupin e Whatsapp.
“Te dashur miq. Nesër ditën e hënë ne ora 9:30 serish Kryetari i PD Prof Dr Sali Berisha do jete ne dyert e SKAP. Ju lutem te mobilizojmë strukturat e degëve për te qene te gjithë aty. Ne orën 9:30 përpara selisë SKAP-it. Faleminderit”, thuhej në mesazhin e PD.
“Altin Dumani zbaton politikën e Shqipërisë pa opozitë. Kjo politikë dështoi në SHBA dhe të njëjtin fat do ketë dhe në Shqipëri, firmosur nga Sali Berisha.
Sot do dëboj aktin puçist, banditesk të narkoqeverisë dhe narkobashksië Rama të cilët morën peng për orë gjykatës dhe prokurorë të çështjes Veiaj. Rikthyen në Tiranë skenat e viteve kur Escobar sulmoi gjykatën dhe aty pati viktima të tëra. Pas sa e sa vitesh Ediskobar kreu të njëjtin akt ndaj Gjykatës dhe Prokurorisë”, tha Berisha pasi doli nga SPAK duke treguar edhe letrën që firmosi.
