Emmanuel Macron i ka bërë thirrje Donald Trump dhe Volodymyr Zelensky “për qetësi, respekt dhe njohje të ndërsjellë”, një ditë pas përplasjes së bujshme mes tyre në Zyrën Ovale.
“Mendoj se, pasi të kalojë nervozizmi, të gjithë duhet t’i rikthehen qetësisë, respektit dhe njohjes së ndërsjellë, në mënyrë që të mund të ecet përpara konkretisht, sepse çështja në fjalë është tepër e rëndësishme,” ka deklaruar presidenti francez në një intervistë për La Tribune Dimanche.
Ndërkohë, Pallati Élysée ka bërë të ditur se Macron ka biseduar mbrëmë me Trump dhe Zelensky./k.k
