Oficeri i Kufirit dhe i Policisë/ Veterani Fejzulla Fejzo u nda nga kjo jetë me merakun për Bleona Matën nga fshati Zapod i Kukësit
Sefer Pasha
Me mikun tim të rinisë Fejzulla Fejzo që u nda këto ditë nga jeta në fshatin e tij të lindjes Zapod kishim shërbyer së bashku në kufi dhe në polici si në Qafën e Prushit, Dobrunë, Krumë, Cahan. Morinë, Bardhoc, Orgjost, Borje, Shishtavec, Turaj, Buzmadh e në Ploshtan të rrethit të Dibrës. Kur u largova nga Kukësi i dhshë dorën me shpresën se do të takoheshim një ditë. Por kjo nuk ndodhi. Fejzullai mbeti në policinë e Kukësit e unë në Tiranë. Në një farë mënyre si me të tjerët e kujtonim rrallë njëri – tjetrin. Detyra të reja dhe koleg të rinj. Por një mbasdite në një emisjon televiziv për të humburit, të cilin e drejtonte Aida Shtino dhe që kishte shikueshmëri të lart nuk u besova syve kur në ekran u shfaq miku i rinisë Fejzulla Fejzo. Ai i qe përkushtuar gjetjes së vogëlushës Bleona Mata, e cila kishte ditë që ishte zhdukur misterjozisht. Fejzullau ishte gjiton me familjen e Bleona Matës. Dhe fliste ne ekran me dhimbje për vogëlushen e bukur. Ai ishte shumë i fortë fizikisht. Kështu e mbaj mend. Malin e Gjallicës e ngjiste si të qe kaproll. Fejzulla Fejzo sa kishte zbritur nga mali i Pikëllimës. Kërkonte në shpatet e egra se mos Bleonën e kishin rrëmbyer shqiponjat sa një ari mali. Këto shqiponja thoshte Fejzua e ngrenë fëmijën pa asnjë problem. Ai ua dinte foletë shqipnjave në Qafën e Fishkut, ku kullosnin dhe tufat me dhi të egra. Cjapi i egër që ruante dhitë sa e shikonte Fejzon i binte shkëmbit me thundra dhe blegërinte, që dhitë të ruheshin. Fejzulla Fejzo nuk gjeti asnjë gjurmë të vogëlushës.. E tha me plot goën. Vogëlushën Bleona Matën e kanë rrëmbyer trafikantët e qënieve njerëzore. Shteti duhet ta gjej Bleonën. Dhe sytë ju mbushën me lot.
Vitet bën punën e tyre dhe Fejzulla Fejzo doli në pension dhe shkoi të pleqëroi në fshatin e tij të lindjes në Zapod. Aty kishte pronat e etërve të tij. Këto ditë mora vesh së Fejzulla Fejzo kishte vdekur. I kishte mbetur merak që vuajti shumë, por nuk mundi që ta gjej Bleona Matën. Në polici kishte punuar për dyzetë vjet. Por tani krimet ishin sofistikuar.
