Pas konferencës së përbashkët për shtyp, Komisionerja e BE për Zgjerimin Marta Kos ka falenderuar kryeministrin Edi Rama për mikpritjen në Tiranë. Përmes një postimi në “X”, ku ka ndarë dhe dy foto, ajo shkruan se BE është krah vendit tonë, për një anëtarësim sa më të shpejtë.
“Kryeministër Edi Rama, faleminderit për mikpritjen e ngrohtë në Tiranë! Teksa bota po ndryshon, uniteti i Shqipërisë kundrejt Bashkimit Evropian mbetet një garanci e rëndësishme për paqe, liri dhe siguri. Për Shqipërinë, ka një dritare mundësie! BE është në krahun tuaj për t’ju mbështetur plotësisht në anëtarësim, le të punojmë sëbashku!”, shkruan Kos.
Gjatë konferencës, Komisionerja vuri theksin te përparimi i Shqipërisë në rrugën e saj drejt familjes europiane. Po ashtu bëri me dije se pret që parlamenti të ratifikojë dy marrëveshje për t’i dhënë Shqipërisë 1 miliardë euro për reformat./ S,M
