Liverpool nuk duhet të jetë i shqetësuar vetëm nga interesi i PSG-së ndaj kapitenit, Virgil van Dijk. Lojtari është pa kontratë në fund të sezonit dhe u pa duke biseduar me drejtuesit e PSG-së pas ndeshjes së Championsit në “Anfield”.
Por mbrojtësi holandez ka marrë një ofertë prej 17 milionë paundësh në vit për t’u bashkuar me Al-Hilal në Arabinë Saudite, sipas “L’Equipe”.
33-vjeçari është ende i pavendosur dhe po fokusohet në fundin e sezonit, ku mund të fitojë dy trofe të tjerë, Kupën Carabao të dielën dhe titullin kampion.
“Reds”-at do të luajnë kundër Newcastle në “Wembley”, ndërsa Premier Ligën e kryesojnë +15 nga Arsenali i vendit të dytë./ D.C
