Sot në orën 12:00 pritet që të hapet Tuneli i Murrizit. Kryeministri Edi Rama dhe numri dy i qeverisë Belinda Balluku sot do të përurojnë Rrugën e Arbrit.
Kryeministri Edi Rama përmes një mesazhi në rrjetet sociale, theksoi se me hapjen e Tunelit të Murrizit Dibra do të bëhet lagjia e gjelbër e Tiranës.
“Gati. Nesër Dita e Verës shkon edhe në Dibër dhe Dibra bohet lagjja e gjelbër e Tironës”, shkruan Rama krahas fotos.
Ndër numri dy i qeverisë, Belinda Balluku e quajti Rrugën e Arbrit veprën më të madhe infrastrukturore.
“Jemi në Tunelin e Murrizit vetëm pak orë para hapjes së tij zyrtarisht. Vite, muaj, punë e palodhur nga gjithë skuadrat, në një vepër sfiduese infrastrukturore e cila padyshim mori kohë por tashmë është gati. Nesër në orën 12:00 në hyrje dhe në dalje të tunelit të Murrizit të gjithë së bashku do të festojmë veprën më të madhe infrastrukturore shqiptare. Rrugën e Arbrit të përfunduar rrugën e të gjithë shqiptarëve dhe veçanërisht të Dibrës sime”, tha Balluku./ S,M
