Deputetja e Partisë Demokratike, Jorida Tabaku, ka publikuar sot një viedo-mesazh në rrjetet sociale, ku thekson angazhimin e diasporës shqiptare për zgjedhjet e 11 majit.
Deputetja e Partisë Demokratike, Jorida Tabaku, ka publikuar sot (18 mars) një viedo-mesazh në rrjetet sociale, ku thekson angazhimin e diasporës shqiptare për zgjedhjet e 11 majit.
Sipas Tabakut, grupe të organizuara në Itali, Greqi, SHBA, Kanada dhe Mbretërinë e Bashkuar po punojnë intensivisht për të mbështetur Partinë Demokratike dhe për të sjellë ndryshimin që Shqipëria ka nevojë.
“Kam pasur dhjetëra takime me shqiptarët e diasporës, të cilët ndajnë të njëjtin shqetësim: ekonominë e rrënuar, pensionet e ulëta dhe mungesën e meritokracisë”, u shpreh Tabaku në mesazhin e saj.
Ajo theksoi se shumë shqiptarë të larguar i përkasin shtresës së mesme dhe janë detyruar të emigrojnë për shkak të një sistemi që ka kapur ekonominë dhe nuk u jep mundësi qytetarëve të ndershëm të ecin përpara.
Deputetja demokrate vuri theksin te rëndësia e zgjedhjeve të 11 majit, si një mundësi për ndryshim. Ligjvënësja u shpreh se diaspora është e vendosur të votojë për alternativën e PD-së, e cila premton një ekonomi më të hapur, pensione më të larta, një minimum jetik prej 200 eurosh dhe pesë vite pa taksa për të gjithë sipërmarrësit e rinj.
“Ne duam që shqiptarët të mos jetojnë më me kokën jashtë, me zemrën këtu dhe me mendjen të lidhur gjithmonë me Shqipërinë. Ne duam një Shqipëri që u krijon mundësi të gjithëve, veçanërisht fëmijëve tanë”, përfundoi Tabaku.
Mesazhi i Jorida Tabakut në Facebook:
“Kam krijuar grupe për diasporën, të cilët janë duke punuar intensivisht për votën e 11 majit. Nga Italia në Greqi, SHBA, Kanada dhe Mbretërinë e Bashkuar, diaspora është mobilizuar për të mbështetur Partinë Demokratike dhe njëkohësisht edhe mua, Jorida Tabaku, e cila do të kandidoj në listën e hapur të Partisë Demokratike në Tiranë.
Kam pasur dhjetëra takime me shqiptarët e diasporës, ku shqetësimet kryesore që ata ndajnë janë të lidhura me gjendjen ekonomike të familjeve të tyre në Shqipëri. Ata janë të tronditur nga rritja e çmimeve dhe pensionet e ulëta, të cilat nuk i lejojnë prindërit e tyre të jetojnë me dinjitet.
Shumë prej tyre i përkasin shtresës së mesme dhe janë detyruar të largohen nga Shqipëria për shkak të një sistemi që ka kapur ekonominë dhe nuk lejon as talentin dhe as punën të rriten e të zhvillohen. Meritokracia nuk ekziston. Këta shqiptarë janë larguar edhe për të siguruar një të ardhme më të mirë për fëmijët e tyre, duke kërkuar më shumë mundësi në arsim, cilësi më të lartë në shëndetësi dhe një jetë më të denjë.
Diaspora do të votojë për alternativën e Partisë Demokratike, për t’i bërë gjërat ndryshe dhe më mirë. Ata kërkojnë një Shqipëri që i mirëpret dhe u krijon mundësi për t’u kthyer, një vend ku të mos jetojnë me kokën këtej, me zemrën këtu dhe me mendjen gjithmonë të lidhur me atdheun.
Për këtë arsye, ne propozojmë një ekonomi më të hapur, pensione më të larta me një minimum prej 400 eurosh, një minimum jetik prej 200 eurosh, si dhe pesë vite pa taksa për të gjithë sipërmarrësit e rinj. Kjo nuk është thjesht një platformë, por një angazhim për të ndërtuar një të ardhme më të mirë për fëmijët dhe familjet shqiptare”./k.k
