Presidenti i Partisë së Lirisë, Ilir Meta ka reaguar në rrjetet sociale, pasi shorti i KQZ ka caktuar koalicionin “Partia Demokratike-Aleanca për Shqipërinë Madhështore” të renditet i pari në fletën e votimit për zgjedhjet e 11 majit.
Sipas Metës, kjo aleancë do të dalë e para dhe në zgjedhje me një fitore plebishitare.
“Koalicioni ynë, “Partia Demokratike-Aleanca për Shqipërinë Madhështore”, starton garën me numrin 1.
Koalicioni ynë del po i pari më 11 Maj me një fitore madhështore!
Më 11 maj fitorja plebishitare fillon nga Tirana dhe do të përqafojë të gjithë Shqipërinë si një flamur madhështor shprese”, shkruan Meta./e.t
