Maqedonia e Veriut i jep sot lamtumirën e fundit viktimave të tragjedisë së Koçanit. Në orët e para të së dielës (16 mars) 59 të rinj humbën jetën tragjikisht si pasojë zjarrit që shpërtheu në lokalin e natës ku ata po festonin, ndërkohë që 155 të tjerë kanë mbetur të dëmtuar.
Për ngjarjen e rëndë vijojnë hetimet, ndërkohë që Prokuroria Themelore Publike e Koçanit ka dorëzuar në gjykatën kompetente kërkesën për vazhdimin e masës së paraburgimit afatshkurtër edhe për 48 orë ndaj 16 personave, ndaj të cilëve paraprakisht janë me masa e paraburgimit. Dy personave të tjerë, me kërkesë të Prokurorisë, dje u është caktuar masa e paraburgimit dhe të njëjtit janë ende në paraburgim. Në total deri më tani është kërkuar masa e paraburgimit afatshkurtër për 18 persona”, njofton Prokuroria Publike./ S,M
