Gjermania ka rihapur ambasadën e saj në Damask, pas një periudhe 13-vjeçare, kur misioni ishte mbyllur gjatë fazës fillestare të luftës civile në Siri.
Ministrja e Jashtme, Annalena Baerbock, mori pjesë në rihapjen e ambasadës gjatë një vizite në Damask, që shënon udhëtimin e saj të dytë në Siri që pas rënies së ish-presidentit Bashar al-Assad në dhjetor.
Në një deklaratë të publikuar nga Ministria e Jashtme, Baerbock theksoi se qëllimi i vizitës ishte të dërgohej një mesazh rinovimi, duke theksuar mundësinë për një “fillim të ri politik midis Evropës dhe Sirisë, dhe midis Gjermanisë dhe Sirisë”.
Megjithatë, ajo shtoi se ky hap është shoqëruar me “pritshmëri të qarta për liri, siguri dhe mundësi për të gjithë qytetarët e Sirisë – për gratë dhe burrat, për individët nga të gjitha grupet etnike dhe fetare”.
Përleshjet e dhunshme të zhvilluara në fillim të këtij muaji, midis luftëtarëve të besnikë të al-Assad dhe grupeve të reja të sundimtarëve të vendit, shkaktuan viktima të shumta, duke lënë rreth 1,000 të vdekur, shumica prej të cilëve ishin pjesëtarë të pakicës alavite./k.k
