Prokuroria ka bërë të ditur mbrëmjen e sotme se operacioni për identifikimin dhe ndalimin e personave të përfshirë do të vijojë përgjatë natës, ndërsa detaje më të hollësishme do të jepen pas përfundimit të aksionit nesër.
Me urdhër të Prokurorisë Themelore Publike të Koçanit, është duke u zhvilluar një operacion policor në lidhje me hetimet për zjarrin e ndodhur në klubin “Pulse”. Sipas të dhënave paraprake, ndër personat e arrestuar janë edhe ish-kryetarët e Komunës së Koçanit, Nikolço Iliev dhe Ratko Dimitrovski, si dhe kryetari që së fundmi ka dhënë dorëheqjen, Ljupço Papazov.
Prokuroria ka bërë të ditur mbrëmjen e sotme se operacioni për identifikimin dhe ndalimin e personave të përfshirë do të vijojë përgjatë natës, ndërsa detaje më të hollësishme do të jepen pas përfundimit të aksionit nesër.
Më 17 mars, Ljupço Papazov është paraqitur për t’u marrë në pyetje nga prokurori në Prokurorinë Themelore të Koçanit. Pas përfundimit të kësaj seance, prokuroria njoftoi se do të merret një vendim lidhur me rolin e tij në këtë çështje.
Sipas prokurorisë, Papazov ka dhënë sqarime dhe informacione gjatë marrjes në pyetje, të cilat do të krahasohen me provat në dispozicion dhe me kompetencat që ai ka pasur në funksionin e tij. Vetëm pas kësaj analize do të përcaktohet pozicioni i tij në procedurën hetimore./k.k
