Të përpiqeni të humbni peshë duket ndonjëherë e pamundur pasi uria ju çon përsëri tek ushqimi.
Por ka disa mënyra që edhe të ushqeheni por dhe humbni peshë njëkohësisht dhe përfshirja e disa ushqimeve në dietën tuaj është alternativa e duhur.
Një ushqim natyral i njohur për përfitimet e tij shëndetësore, uthulla e mollës mund të ndihmojë në rregullimin e niveleve të sheqerit në gjak, përmirësimin e tretjes dhe mund të ndihmojë në uljen e oreksit. Shtoni një lugë çaji uthull molle në një gotë me ujë dhe pini para ngrënies për të përmirësuar procesin e tretjes.
Të pasura me acide yndyrore omega-3 dhe fibra, farat e lirit ndihmojnë në mbështetje të shëndetit të zemrës, reduktimin e inflamacionit dhe përmirësimin e sistemit tretës. Mund të shtohen në smoothies, kos ose sallata për një shtesë të shëndetshme dhe të shijshme, thotë dietologia.
Përveç shijes së shkëlqyer, kumbullat janë një burim i shkëlqyer për tretjen. Ato kanë një efekt të butë laksativ dhe mund të parandalojnë kapsllëkun. Po ashtu, ato janë të pasura me antioksidantë që mbështesin shëndetin e përgjithshëm.
Çokollata e zezë dhe kakaoja janë të pasura me antioksidantë, që mund të përmirësojnë humorin dhe të ulin stresin. Për më shumë përfitime shëndetësore, preferoni kakao organike dhe mund ta shtoni në smoothies ose bollgur për një shije dhe ndikim të shëndetshëm.
Një tjetër superushqim është çaji jeshil, i njohur për vetitë e tij në djegien e yndyrës. Ai është i pasur me antioksidantë dhe mund të ndihmojë në përmirësimin e metabolizmit. Dietologët sugjerojnë që të zgjidhni një filxhan çaj jeshil në vend të pijeve me sheqer ose kafesë.
Një pije që jo vetëm që freskon, por gjithashtu është një burim i shkëlqyer i vitaminës C. Limonada e freskët ndihmon në mbështetje të sistemit imunitar dhe përmirëson shëndetin e përgjithshëm.
Fasulet janë një burim i shkëlqyer i proteinave dhe fibrave, duke ndihmuar në ndjesinë e ngopjes për një periudhë të gjatë. Ato mund të shtohen në supa, sallata ose mund të shërbehen si pjatë e dytë me pjatat kryesore.
Ekspertët sugjerojnë përfshirjen e këtyre ushqimeve natyrale në dietën tuaj për të përmirësuar shëndetin dhe për të mbajtur një ekuilibër të shëndetshëm në jetën e përditshme./k.k
