Papa Françesku pritet të dalë nga spitali Gemelli i Romës të dielën më 23 mars, thanë mjekët që po e trajtojnë që prej gati një muaji.
88-vjeçari ka qenë në rikuperim nga pneumonia e dyfishtë dhe do të ketë nevojë për të paktën dy muaj pushim në Vatikan pas largimit nga spitali.
Ai është parë vetëm një herë nga publiku që nga momenti i pranimit në spital më 14 shkurt, në një fotografi të publikuar nga Vatikani javën e kaluar, ku ai shihet duke lutur në një kishë spitalore.
Vatikani kishte njoftuar të premten se gjendja e Papës ishte përmirësuar dhe stabile, me disa përmirësime në frymëmarrje dhe lëvizshmëri.
Ata konfirmuan se ai nuk përdor më ventilim mekanik për frymëmarrje gjatë natës, por merr oksigjen përmes një tubi të vogël nën hundë. Gjatë ditës, ai po përdor më pak oksigjen me rrjedhje të lartë.
Papa Françesku ka kaluar gati 12 vjet si lider i Kishës Katolike Romake. Ai ka vuajtur nga një numër probleme shëndetësore gjatë jetës së tij, përfshirë heqjen e një pjese të mushkërisë kur ishte 21 vjeç, duke e bërë më të prirur ndaj infeksioneve./kb
