Kreu i PD-së Sali Berisha po zhvillon një takim me shqiptarët në Napoli të Italisë.
Nga Napoli, Berisha ka parlajmëruar kryeministrin Edi Rama se i ka orët e numëruara dhe fundi i tij po vjen.
Lideri i opozitës është shprehur se ky është viti i diasporës dhe kanë mbetur vetëm 50 ditë nga shpëtimi i Shqipërisë dhe shqiptarëve.
“Po shkojmë drejt raundit të fundit të bejetës sonë rreth 50 ditëve që kanë mbetur. Këto 50 ditë janë vendimtare për shpëtimin e Shqipërisë dhe shqiptarëve. Kam deklaruar me bindjen me të thellë se ky vit është viti i diasporës shqiptare sepse njëlloj si dikur shekuj më parë do jenë shqiptarët nga jashtë që do të shpëtojnë Shqipërinë. Prite Edi Rama Diasporën se po vjen, po vjen të shpëtojë mëmëdheun.
Po vjen t’i dalë zot Shqipërisë, po vjen të shpëtojë Shqipërinë nga regjimi të cilin do ta kishte lakmi Escobari , Totorino, El chapo. Edi Rama, me ditë të numëruara diaspora po vjen. Po vjen, sepse ti shkatërrove njëra pas tjetrës ëndërrat më të bukura dhe fisnike të shqiptarëve.
Shqiptarët kishin një ëndërr dhe ishte pluralizmi.
Ti sot bëre një luftë të egër, çnjerëzore, për një vend pa opozitë. Riktheve në Shqipëri partinë shtet. PS e ktheve në Partinë e Punës së Shqipërisë.
Krimi i diktaturës tënde bazohet në drogën krimin dhe plaçkitjen e shqiptarëve”, ka deklaruar Berisha./ S,M
