Trajneri i SHBA, Maricio Pochettino pranoi se mund të ketë presion nga Trump për të patur sukses në Kupën e Botës, pasi amerikanët janë vend pritës.
“Unë po dëgjoja një bisedë midis presidentit të SHBA-së dhe presidentit të FIFA-s, Gianni Infantino, të cilin Trump e pyeti nëse SHBA mund ta fitojë Kupën e Botës. Infantino u përgjigj po dhe unë u zhgënjeva, sepse ai duhet të kishte thënë “pyesni trajnerin tuaj, që me siguri mund të të japë një mendim më të saktë”.
Tani mendoj që Trump do të na vendosë nën presion, sepse jemi skuadra e vendit organizator e një vendi mentaliteti i të cilit është të fitojë gjithmonë, megjithatë, për mua do të ishte një presion pozitiv: të paktën ne do të ndjejmë adrenalinën që na nevojitet. Presidentit tonë i pëlqen që të na vendosë në presion dhe ne jemi gati ta përballojmë atë”./ D.C
