Sekretari i Shtetit, Marco Rubio tha sot se dikush kishte bërë një “gabim të madh” duke shtuar një gazetar, kryeredaktorin e The Atlantic, Jeffrey Goldberg, në bisedën e Signal rreth planeve të sulmit në Jemen.
Rubio pretendoi se biseda ishte krijuar për të koordinuar komunikimet. I pyetur nëse informacioni ishte i klasifikuar, ai iu drejtua Pentagonit, duke vënë në dukje se tha se nuk ishte. Ai deklaroi se Pentagoni ishte “në krye të operacionit aktual”.
“Unë mendoj se do të ketë reforma dhe ndryshime, kështu që kjo të mos ndodhë më kurrë. Nuk mundet të ndodhë më”, tha ai në një konferencë për shtyp në Xhamajkë.
“Unë jam siguruar nga Pentagoni dhe të gjithë të përfshirët se asnjë nga informacionet, në asnjë moment nuk kërcënuan operacionin ose jetën e ushtarakëve tanë”, shtoi Rubio.
Sa i përket rolit të tij në bisedë, Rubio vuri në dukje se ai identifikoi pikën e tij të kontaktit, shefin e tij të shtabit dhe më vonë përgëzoi ekipin pasi u njoftua zyrtarisht sulmi ndaj objektivave Houthi në Jemen.
“Natyrisht që dikush bëri një gabim. Dikush bëri një gabim të madh dhe shtoi një gazetar. Nuk kam asgjë kundër gazetarëve, por ju nuk duhet të jeni në këtë çështje”, tha sekretari i DASH, i cili është dhe ish-deputet i lartë në Komitetin e Senatit për Inteligjencën./k.k
