Qumështi i gjirit redukton risqet e lidhura me vonesat në zhvillim. Sipas studimit të fundit mbi të mirat që ka, rezulton se mbron nga vonesat neurologjike dhe konjitive.
Janë vëzhguar 570 mijë fëmije, nga të cilët 124 mijë, 6 muajt e parë të jetës kanë qenë vetëm në gji, janë monitoruar periodikisht deri në vitin e tretë të jetës.
Kishte ndryshime me të tjerët, pasi është vërejtur një risk më i ulët me 27% të vonesave në etapat e zhvillimit gjuhësor, social dhe të lëvizjes, në krahasim me fëmijët që ishin ushqyer me qumësht nga nëna e tyre për me pak se 6 muaj.
Provat më të imtësishme janë kryer edhe me vëllezër apo binjakë dhe rezultatet kanë qenë të njëjta me të sipërpërmendurat.
Studimi sugjeron edhe njëherë se qumështi i gjirit, të paktën për 6 muajt e parë, është mjaft i rëndësishëm për beben, për rritjen dhe shmangiet e një sërë problemesh shëndetësore, me fokus kësaj herë pikërisht te zhvillimi i rregullt e pa rreziqe të shtuara./ S,M
