Nga Lutfi Dervishi
Po sikur të dilte një klip ku Unikkatili pyet: “Ku është uji 24 orë o vlla, rubineti na la pjatat pa la…”
Në një vend ku politika dhe hip-hopi janë bërë më të pandashëm se birra me kikirikët, Rama dhe Basha, por edhe Berisha kanë zbuluar një armë të re në fushatë: Unikkatili.
Replikat me “video klipe” kanë në sfond muzikën e reperit të famshëm.
Por imagjinoni për një çast sa do ta ndihmonte këtë fushatë Unikkatili sikur të ndryshonte tekstet e këngëve të tij. Jo më “kujt ja fut me diss”, por:
“Ku është uji 24 orë o vlla, rubineti na la pjatat pa la…”
K’tu s’ka ujë n’çesme, po lot n’fytyrë /
Kadastra n’shtet, një tjetër mënxyrë /
Shqipni, po vdes me ikë, se andrra jeme s’je ti /
Jo se s’du vendin tem, po vendi jem s’ka kuptim pa drejtësi!”
Po sikur të dilte një klip ku Unikkatili pyet:
“Ku është karta e studentit?”
“Pse pensionisti shkon më shumë te banka sesa te doktori?”
“Pse t’mirët ikën, t’çuditshmit ngelen deputetë?”
“Pse ma leht hipotekën e merr në Dubai se në Durrës?”
Po nëse Unikkatili, do të këndonte me këtë tekst? Atëherë do të shihnim një fushatë elektorale model…
Sidoqoftë Unikkatili mbetet i vetmi që s’ka gënjyer: ai kurrë nuk ka premtuar gjë.
Pikërisht për këtë, e duan FANSAT.
Sepse s’të tradhton dot një njeri që kurrë s’të ka premtuar asgjë./ S,M
