Muaj më parë, Barcelona nisi me planin e rinovimeve për të siguruar vazhdimësinë e lojtarëve që ka në përbërjen e saj dhe të cilët përbëjnë shtyllën kurrizore të skuadrës. Menaxhimi sportiv i Barçës, i udhëhequr nga Deko kanë vulosur rinovimet e Pedrit, Gavit, Arauhos, Kubarsit dhe Gerard Martin, përveçse kanë rënë dakord edhe për kontratën e Lamin Jamal.
Megjithatë, në listën aktuale është një grup jo i vogël lojtarësh që janë në pritje të zhvillimeve të ardhshme dhe që nuk e dinë nëse do të qëndrojnë me ekipin edhe sezonin e ardhshëm. Dyshimet nisin nga porta me të ardhmen e Sheznit dhe Injaki Penjës që kërkon zgjidhje. Kristensen, Pablo Torres dhe Erik Garsia janë tri lojtaët e tjerë në pikëpyetje për vazhdimësinë.
Ndërsa rasti më i veçantë duket ai i De Jong. Holandezi, edhe me një kontratë të vlefshme deri në vitin 2026, nuk e ka të garantuar vijimësinë. Bisedimet për rinovimin e tij janë ndalur dhe do të pritet vera e këtij viti për të sqaruar përfundimisht pozicionin e mesfushorit./k.k
