Qiqrat janë një nga bishtajoret më të njohura dhe të shijshme që jo vetëm që sjellin përfitime të shumta për shëndetin, por janë gjithashtu një burim i pasur i proteinave dhe fibrave bimore. Përdorimi i tyre është i njohur që në vitin 3500 p.e.s. në Turqi dhe 6790 p.e.s. në Francë, duke pasur një histori të gjatë përdorimi në gatimet tradicionale. Sot, ato kultivohen në më shumë se 50 shtete, me Indinë që është prodhuesi më i madh i këtyre bishtajoreve të shëndetshme.
Një nga përfitimet kryesore të qiqrat është aftësia e tyre për të ndihmuar në kontrollin e sheqerit në gjak. Ato kanë një indeks glicemik të ulët, që do të thotë se ato përthithen dhe digjen ngadalë nga trupi, duke ndihmuar kështu në stabilizimin e niveleve të sheqerit në gjak. Kjo është shumë e dobishme për individët që vuajnë nga diabeti, pasi mund të ndihmojnë në shmangien e rritjes së papritur të sheqerit pas ushqimit. Kjo ngadalësim i procesit të përthithjes është i mundur falë amilosës, një lloj amidi që gjendet tek qiqrat.
Përveç kësaj, qiqrat janë të pasura me fibra bimore, veçanërisht me rafinozën, një lloj fibra që është e njohur për ndihmën që u jep baktereve të mira në zorrë. Këto baktere përpunojnë dhe asimilojnë fibrat në një ritëm të ngadaltë, duke ndihmuar në rregullimin e lëvizjeve të zorrëve dhe përmirësimin e shëndetit të tretjes. Kjo mund të ndihmojë gjithashtu në uljen e problemeve të tretjes, si kapsllëku dhe inflamacionet e zorrëve.
Një tjetër përfitim i rëndësishëm i qiqrave është aftësia e tyre për të ulur kolesterolin, sidomos kolesterolin e keq (LDL), falë fibrave të tretshme që ato përmbajnë. Këto fibra ndihmojnë në uljen e niveleve të kolesterolit dhe ndihmojnë në parandalimin e formimit të pllakave në arterie, duke ulur kështu rrezikun për sëmundje të zemrës dhe goditje në tru. Hulumtimet kanë treguar se shtimi i qiqrave në dietën tuaj mund të ketë një efekt të dukshëm në zvogëlimin e kolesterolit të përgjithshëm.
Përveç këtyre përfitimeve shëndetësore, qiqrat janë gjithashtu të pasura me minerale të rëndësishme si hekur, magnez dhe fosfor, që ndihmojnë në forcimin e sistemit imunitar dhe në përmirësimin e shëndetit të kockave.
Qiqrat janë një ushqim që i shton vlerë çdo diete dhe përfitimet e tyre shëndetësore janë të shumëfishta. Nëse nuk i keni shtuar ende në dietën tuaj, është koha për të filluar. Ata janë një burim i shkëlqyer i proteinave, fibrave dhe substancave ushqyese që ndihmojnë në mbajtjen e një shëndeti të mirë dhe stabilizimin e niveleve të sheqerit dhe kolesterolit në trup./k.k
