Kryeministri Edi Rama po prezanton këtë të shtunë programin e fushatës elektorale të Partisë Socialiste për zgjedhjet e 11 majit.
Në qendër të programit të prezantuar nga Rama qëndron integrimi i vendit në Bashkimin Evropian dhe drejtësia.
Rama tha se tashmë ekziston mundësia reale që Shqipëria të përmbyllë negociatat brenda vitit 2027 dhe të bëjë anëtarësimin e plotë në union brenda kësaj decenie.
Në ketë nismë ai foli edhe për rritjen e pensioneve.
“Me krijimin e institucioneve të re, ka nisur të ndodhë hetimi i zyrtarëve, sepse ne i kemi dorëzuar drejtësisë vullnetarisht me një vision të qartë, vullnet të palëkundur, shpatën e zonjës së drejtësisë e cila atë shpatë e mban qysh në lindje të kohëra demokratike për botën ndërkohë që në Shqipëri nuk e kishte deri kur ia dorëzuam ne.
Ka qëndruar në zyrën e të parit të qeverisë, deri kur unë arrita në atë zyrë. E kanë përdorur atë shpatë në mënyrë arbitrare. Kreu i qeverisë futi në burg kryetarin e opozitës, Fatos Nanon, të fundit të burgosur politik. Ne e dorëzuam shpatën sot është në duart e SPAK dhe sot jemi garantët e vetëm të kësaj historie të re, që bufi i kënetës përbetohen se do e kthejnë përmbys.
Duan votën në 11 maj që në 12 maj të marrin shpatën e drejtësisë” tha ai. Kishte një premtim për pensionet duke shkuar në të njëjtën linjë si Berisha. “Pensionin minimal do të synojmë ta bëjmë 200 Euro dhe mesatarin 400 Euro për të gjithë ata që kanë paguar sigurimet e plota” tha ai.
Pak ditë më parë, ashtu si Berisha edhe Rama premtoi se pagën mesatare do ta bëjë 500 Euro./ S,M
