Socialistja Ermonela Felaj, e cila kandidon për deputete në listën e hapur të Tiranës, është shprehur se mandatin aktual e ka fituar nga ky qark, dhe theksoi se rrugën e njeh dhe do të bëjë maksimumin për të qenë sërish përfaqësuese në Kuvend.
Për faktin se është lënë jashtë listës së sigurt, Felaj tha se pas tre mandateve në qeveri, ka ardhur koha që Grupi Parlamentar të rinovohet me të rinj.
Ajo gjithashtu kujton kohën kur u bë pjesë e politikës në vitin 2009, duke thënë se mentori i saj në PS është Erion Braçe.
Felaj: Pas tre mandateve o të duhej të vinte kjo ditë që pjesë e grupit parlamentar të rinovohej për tu dhënë mundësi të rinjve. Kështu ka ndodhur me mua edhe në vitin 2009, nuk vija nga FRESH.
Punoja si prokurore në Berat dhe i takoja një pushteti që ishte i ndarë nga politika dhe kam qenë indiferente sepse edhe detyra nuk ma lejonte të isha pjesë aktive e politikës.
Në 2009 u bëra pjesë e PS në perspektivën e sa më shumë grave dhe vajzave në parti. Mentori im në PS, njeriu i parë që ka folur për mua ka qenë Erion Brace. Ka qenë drejtues politik në qarkun e Beratit.
Nuk do të kisha qenë në PS nëse nuk do të kisha qenë në listën e sigurt, sepse kishim të njëjtin sistem, proporcional rajonal, por me lista të mbyllura.
Mandatin elektoral e kam nga Tirana që do të thotë e njoh Tiranën dhe në raport me formulën e re zgjedhore, kanë ndryshuar disa gjëra për mirë. Rrugën e njoh dhe do bëj maksimumin, edhe për të nderuar përfaqësimin që kam sot.
Asnjë garë nuk merret me pesimizëm. Stresi duhet lënë mënjanë, por le të themi që të gjtihë ata që kanë bashkëpunuar me mua, janë mbështetje./ S,M
