Dy infermiere në Kinë u treguan heroike duke nxituar për të mbrojtur foshnjat e porsalindura kur një tërmet i fuqishëm goditi Myanmarin fqinj të premten.
Pamjet nga kamerat e sigurisë në një maternitet në Ruili, një qytet kinez pranë kufirit me Myanmarin, tregojnë momentin kur një infermiere gjunjëzohet për të mbrojtur një foshnjë, ndërsa një tjetër mban fort foshnjat e tjera në krevatet e tyre.
Infermieret qëndruan të palëkundura, pavarësisht lëkundjeve të fuqishme, duke siguruar që të vegjlit të ishin të mbrojtur nga çdo rrezik.
Si infermieret ashtu edhe të porsalindurit shpëtuan të padëmtuar, ndërsa videoja e veprimit të tyre ka prekur zemrat e njerëzve në mbarë botën./ S,M
