Barcelona ka kaluar në finale të Kupës së Mbretit, aty ku do të përballet me Real Madridin, pasi eliminoi Atletico Madridin me rezultat të përgjithshëm 5-4.
Katalanasit triumfuan 0-1 në duelin e kthimit në Madridit, duke fluturuar kështu drejt finales së madhe aty ku tashmë u kanë “hedhur dorashkën” madrilenëve të Ancelottit.
Përballja e mbrëmjes së sotme u vlendos nga goli i Ferran Torres në minutën e 27-të, pas asistit të Lamine Yamal. Pavarësisht tentativave në pjesën e dytë, Atletico e Simeones, nuk arriti të gjente rrugën e rrjetës.
Kështu, Barcelona ia doli ta ruante këtë epërsi minimale, ndërsa në finale të Kupës së Mbretit do të kemi “El Clasico” që luhet më 26 prill./D.C
