Importi i birrës në rritje gjatë 2024, prodhuesit vendas në vështirësi për të konkuruar

113 563 lexime

124,178FansaPëlqeje

Rritja e konsumit të birrës si pasojë e fluksit të lartë të turistëve në Shqipëri nuk ka përfituar prodhuesit vendas, por ka nxitur rritjen e importeve. Sipas të dhënave nga doganat, në vitin 2024 u konsumuan 95 mijë tonë birrë, nga të cilat 59 mijë tonë, ose 62% e totalit, ishin birrë e importuar.

Tendenca e rritjes së importeve është bërë më e dukshme vitet e fundit. Në vitin 2021, birra e importit përbënte 55.5% të konsumit, ndërsa para pandemisë ky raport ishte edhe më i ulët, me vetëm 50% të tregut. Ekspertët e industrisë theksojnë se birra e importit ka fituar terren për shkak të kostove më të ulëta të prodhimit, duke e vënë në vështirësi konkurruese prodhimin vendas.

Një faktor tjetër që ka ndikuar negativisht është rritja e akcizës për birrën vendase. Nga janari 2023, prodhuesit vendas po paguajnë dyfishin e akcizës, duke sjellë një rritje prej 22% në kostot e tyre. Kjo, së bashku me shtrenjtimin e lëndës së parë, ambalazhit dhe rrogave të punonjësve, ka ulur prodhimin me 8-10% për secilin operator në vitin 2024.

Për pasojë, disa fabrika kanë pezulluar përkohësisht aktivitetin, ndërsa në fund të 2024-s, fabrika e birrës Stela, e themeluar në vitin 1994, u shit te kompania e importit të pijeve “Eurolab Internacional Grup” për shkak të vështirësive financiare.

Edhe pse sezoni turistik sjell rritje të konsumit, prodhuesit vendas nuk janë në gjendje të përballojnë konkurrencën e importeve për shkak të diferencës në çmime. Në supermarkete, një kanoçe birrë vendase kushton 95-100 lekë, ndërsa birrat e importit shiten nga 79 deri në 89 lekë. Kjo tendencë bën që një pjesë e madhe e të ardhurave nga turizmi të shkojë jashtë vendit për blerjen e produkteve të importuara, në vend që të mbështesë industrinë vendase./E.T

Lexo edhe :  "Giro d'Italia" në Shqipëri, në 9 prill anija ikonike italiane ankorohet në Durrës

Të fundit

E PAPRITUR! Më 9 prill anulohen të gjitha fluturimet me Greqinë, ja arsyeja

Të gjitha fluturimet drejt Greqisë dhe anasjelltas do të anulohen më datën 9 prill. Ky informacion vjen nga Aviacioni Civil,...

Trump 10 për qind tarifa Shqipërisë, ja sektori që do të goditet më tepër

70 për qind e eksporteve nga Shqipëria në Shtetet e Bashkuara të Amerikës e përbëjnë bimët medicinale dhe etero vajore. Në vitin 2024 u eksportuan...

“Hapja e negociatave, premtim i mbajtur nga PS”/ Xhafaj: Jemi në dyert e BE-së

Etien Xhafaj, deputeti i PS dhe njëherësh kandidati për qarkun e Tiranës në listë të hapur i ftuar në nj♪ë emision, s u ndal...

Edhe një gotë alkool është shumë, gratë janë më keq se burrat

Në imagjinatën kolektive, alkooli është i keq për mëlçinë apo për cirrozën para së gjithash. ”Por, në realitet, dëmi që mund të shkaktojnë pijet alkoolike...

Sekreti

Nga Anila Hoxha Në datë 14 mars, një gjyqtar i posaçëm në Tiranë ka vendosur arrest në burg ndaj dy ish-zyrtarëve dhe, po me kërkesë...

Lajme të tjera

Web TV